அவர்களெல்லோரும் பரிசுத்த ஆவியால் நிரப்பப்பட்டு... (அப் 2:4)

பெந்தேகோஸ்தே நாளில் பரிசுத்த ஆவினால் நிரப்பப்பட்டதன் முக்கியத்துவம் என்ன ?

1) யோவேல் 2:28,29 இல் "நான் மாம்சமான யாவர்மேலும் என் ஆவியை ஊற்றுவேன்"

என்று தேவனால் கொடுக்கப்பட்ட வாக்குத்தத்தம் நிறைவேறுதலின் ஆரம்பமாயிருந்தது.

(அப் 1:4-5; மத் 3:11; லூக் 24:49;யோவா 2:28-29)

2) கடைசிக் காலம் ஆரம்பித்துவிட்டபடியால்

(அப் 2:17; எபி 1:2; 1பேது 1:20) இப்போது, ​​ஒவ்வொருவரும் மனந்திரும்பிக் கிறிஸ்துவை விசுவாசிக்கும்படியாகத் தீர்மானம் எடுக்க வேண்டிய நேரம் வந்திருக்கிறது. 

(அப் 3:19; மத் 3:2; லூக் 13:3;அப் 2:17)

3) சீஷர்கள் யாவரும் உன்னதத்திலிருந்து வல்லமை பெற்றிருந்தார்கள். 

(லூக் 24:49; அப் 1:8), அதனால் அவர்கள் கிறிஸ்துவுக்குச் சாட்சியாக இருக்க வேண்டும், அவர்கள் மூலமாக பரிசுத்த ஆவியானவர் பாவத்தைக் குறித்தும், நீதியைக் குறித்தும், தேவனுடைய நியாயத் தீர்ப்பைக் குறித்தும் 

கண்டித்துணர்த்தவும் வழி விலகியவர்களைத் திருப்பிக் கிறிஸ்துவின் இரட்சிப்பை அடைய வழி காட்டவும் முடிந்தது. (அப் 1:8;4:13,33; 6:8;

ரோமர் 15:19; யோவா 16:8).

4) பரிசுத்த ஆவியானவர் எல்லா தேசங்களின் மக்களையும் இரட்சிக்க விரும்பி அதற்காக முயற்சிக்கும் ஒரு ஆவியாகத் தம்மை வெளிப்படுத்தினார். பரிசுத்த ஆவியில் ஞானஸ்நானம் பெற்ற ஒவ்வொருவரிடமும் தேசங்களின் ஆத்துமாக்களை மீட்க வேண்டும் இதே ஆசை நிரம்பியிருந்தது.

(அப் 2:38-40; 4:12,33; ரோமா 9:1-3; 10:1). 

இவ்விதமாக "உலக நற்செய்திப் பணியின் ஆரம்பமே பெந்தேகோஸ்தே" என்று அறிகிறோம். 

(அப் 2:6-11,39, 1:8).

5) சீஷர்கள் ஆவியானால் நிறைந்த ஊழியர்களானார்கள். அவர்கள் சிலுவையில் அறையப்பட்டு, மரித்து, உயிர்த்தெழுந்த இயேசுவைப் பற்றிப் பிரசிங்கத்தார்கள். மற்றவர்களை மனந்திரும்பச் செய்து, கிறிஸ்துவில் விசுவாசம் கொள்ளச் செய்தனர் ,

செய்தது மட்டுமின்றி பெந்தேகோஸ்தே நாளில் தாங்கள் பெற்ற அதே ஆவியை மனந்திரும்பிய புது விசுவாசிகள் பெற்றுக்கொள்ள வழி காட்டினார்கள். (அப் 2:38,39) இவ்வாறு பரிசுத்த ஆவியில் ஞானஸ்நானம் பெற்ற ஆத்மாக்களை வழிநடத்துவதே புதிய ஏற்பாட்டில் அப்போஸ்தலர்களின் ஊழியத்தின் திறவுகோலாய் இருந்தது.

(அப் 8:17; 9:17,18; 10:44-46;19:6)

6) பரிசுத்த ஆவியில் ஞானஸ்நானம் மூலமாகக் கிறிஸ்துவைப் பின்பற்றுபவர்கள் அவருடைய ஊழியத்தைத் தொடர்ந்து செய்கிறார்கள். இயேசு கிறிஸ்து உலகில் செய்ய, போதிக்க ஆரம்பித்த அனைத்தையும் சீஷர்களும் பரிசுத்த ஆவியின் வல்லமையினால் தொடர்ந்து செய்தார்கள். 

(அப் 1:1;யோவா 14:12).

நமது ஜெப வாழ்க்கையில் தொடர்ந்து பரிசுத்த ஆவியின் ஞானஸ்நானத்திற்காக ஜெபம் பண்ணுங்கள். நிச்சயமாக தேவன் நம்முடைய அக்கினி நாவுகளால் நம் சிரசின் மேல் இறங்குவார்.

நிச்சயமாக நம்மை பயன்படுத்துவார். கர்த்தர் நம்மை ஆசீர்வதிப்பார். ஆமென்.