உயர்ந்த முத்துக்கள்.

திருச்சபைகளில் ஞானஸ்நானம் எடுக்கும் முறை குறித்து (முழுக்கு ஞானஸ்நானம் vs தெளிப்பு ஞானஸ்நானம்) பல்வேறு கருத்துக்கள் இருந்தாலும், வேதாகமத்தின் அடிப்படையில் முழுக்க ஞானஸ்நானமே (Immersion) அதிக முக்கியத்துவம் பெறுகிறது. அதற்கான சில வசன ஆதாரங்கள். 'பாப்டிஸ்மா' என்ற சொல்லின் அர்த்தம்: 'ஞானஸ்நானம்' என்ற வார்த்தை 'பாப்டிஸ்மா' (Baptisma) என்ற கிரேக்க சொல்லிலிருந்து வந்தது. இதன் நேரடிப் பொருள் 'முழுக்குதல்' அல்லது 'மூழ்குதல்' என்பதாகும். தெளிப்பது என்று பொருள் கொள்ள இது பயன்படுத்தப்படவில்லை. இயேசுவின் முன்மாதிரி: இயேசு யோர்தான் நதியில் ஞானஸ்நானம் எடுத்தபோது, தண்ணீருக்குள் சென்று பின் "தண்ணீரிலிருந்து கரையேறினார்" என்று வேதாகமம் கூறுகிறது. (மத்தேயு 3:16). இது அவர் தண்ணீருக்குள் மூழ்கி எழுந்ததை உறுதிப்படுத்துகிறது. அதிக தண்ணீர் தேவைப்பட்டது: யோவான் ஸ்நானகன் ஞானஸ்நானம் கொடுத்த இடங்களில் "அதிக தண்ணீர் இருந்தபடியினால்" அங்கே ஞானஸ்நானம் கொடுத்தார் என்று (யோவான் 3:23) கூறுகிறது. தெளிப்பதற்கு ஒரு பாத்திரத்தில் இருக்கு...