முன் சொன்னது..

 முன் சொன்னதுபோல மறுபடியும் சொல்லுகிறேன்; நீங்கள் ஏற்றுக்கொண்ட சுவிசேஷத்தையல்லாமல் வேறொரு சுவிசேஷத்தை ஒருவன் உங்களுக்குப் பிரசங்கித்தால் 

*........ அவன் சபிக்கப்பட்டவனாயிருக்கக்கடவன்.*

(கலாத்தியர் 1:9)

*"சபிக்கப்பட்டவனாயிருப்பான"* என்ற வார்த்தைகளின் 

(கிரே அனதிமா) பொருள், தேவனால் சபிக்கப்பட்டிருப்பானாகில் அவன் அழிவுக்குப் பாத்திரனாயிருந்து தேவ கோபத்தையும், கோபாக்கினையையும் அடைவான் என்பதாகும். 

1) கிறிஸ்துவின் மூல சுவிசேஷத்தைப் புரட்டவும் 

(கலா 1:7) அப்போஸ்தல சாட்சியின் உண்மையை மாற்றவும் முயற்சிப்பவர்களிடம் பரிசுத்த ஆவியானவர் வெளிப்படுத்தும் நியாயத்தீர்ப்பு, கோபம் ஆகிய அவருடைய மனப்பான்மையை அப்போஸ்தலனாகிய பவுல் மூலம் வெளிப்படுத்துகிறார். 

அதே மனப்பான்மை இயேசு கிறிஸ்து விடமும் (மத் 23:13 ஐ பார்க்கவும்)

அப்போஸ்தலன் பேதுருவிடமும் (2பேது 2)

அப்போஸ்தலன் யோவானிடமும் (2யோவா 7-11)

யூதாவிடமும் (யூதா 3-4,12-19)

பிரத்தியட்சயமாகக் காணப்பட்டது. அந்த மனப்பான்மை, தேவனுடைய வார்த்தையில் வெளிப்படுத்தப்பட்டிருக்கும் கிறிஸ்துவின் சுவிசேஷத்தை (நற்செய்தியை) நேசித்து, அதுவே பாவத்தினால் வழி தவறிய உலக மக்களுக்கு அத்தியாவசியத் தேவையான இரட்சிப்பின் நற்செய்தி என்று விசுவாசித்து, கிறிஸ்துவை பின்பற்றும் ஒவ்வொருவரின் இருதயத்திலும் காணப்படும். 

(ரோம 10:14-15).

2) கிறிஸ்துவினால் வெளிப்படுத்தப்பட்ட படி 

(கலா 1:11-12,6,ஐயும் வாசிக்கவும்) அப்போஸ்தலன் பவுல் பிரசிங்கத்த செய்திக்கு மாறாக ஒரு சுவிசேஷத்தை பிரசங்கிக்கும் எல்லோரும் அக்கினைக்குட்படுவார்கள்.

ஒருவன் இயேசு கிறிஸ்து, அப்போஸ்தலர் ஆகியோரின் மூல அடிப்படை சுவிசேஷத்தோடு எதையாகிலும் கூட்டினாலோ அல்லது எடுத்து போட்டாலோ அவன் தேவனுடைய சாபத்திற்குட்படுவான்,

* "ஜீவ புத்தகத்திலிருந்து அவனுடைய பங்கை தேவன் எடுத்துப் போடுவார்".*

(வெளி 22:18-19)

*அந்நிய பண்டிகைக்கு வாழ்த்து சொல்லுகிறவன். சூரியனுக்கு படைக்கப்படுகிற பண்டிகைகளை சபையில் கொண்டாடுகிறவன்.* *கிறிஸ்துவின் சுவிசேஷத்தை தனக்கு ஏற்றார் போல் மாற்றி பிரசங்க்கிறவன் சபிக்கப்பட்டவர்கள்.* 

*அவர்கள் மூலமாக எந்த விசுவாசியும் ஆசிர்வாதத்தை பெற்றுக் கொள்ள முடியாது. என்பதை புரிந்து கொள்ளுங்கள்.*

3) விசுவாசத்திற்காக விசுவாசிகள் போராட வேண்டுமென்றும் (யூதா 3 வது வசன குறிப்பு) அன்புடன் திருத்த வேண்டுமென்றும் (2தீமோ 2:25-26), இயேசு கிறிஸ்துவினாலும், அப்போஸ்தலராலும் போதிக்கப்பட்ட பரிசுத்த வேதாகமத்தின் அடிப்படை உண்மைகளை மறுதலிக்கும் போதகர்கள், ஊழியக்காரர்கள், சபையில் உள்ள மற்றவர்களையும் விட்டு பிரிந்து விட வேண்டும் என்றும் தேவன் கட்டளையிடுகிறார்.

(கலா 1:8-9; ரோம 16:17-18; 2கொரி 6:17)

இந்த உண்மைகளை பின் வருமாறு பார்ப்போம்: 

அ) கிறிஸ்துவின் தெய்வத்துவமும், ஒரு கன்னியிடம் பிறந்ததான அவரின் பிறப்பும் (மத் 1:23;யோவா 20:28)

ஆ) தேவனுடைய வார்த்தை போதைக்கும் அனைத்திலும் உள்ள தேவ அருளும் அதிகாரமும் 

இ) ஆதாம் விழுந்து போன சரித்திரம் (ரோம 5:12-19);

ஈ) மனித சுபாவத்தின் உள்ளான கேடு. 

(ஆதி 6:5;8:21;ரோம 1:21-32; 3:10-18; 7:14,21);

உ) கிறிஸ்து இல்லாமல் மனித வர்க்கத்தின் இழப்பு. 

(அப் 4:12 குறிப்பு மற்றும் ரோம 1:16-32;10:13-15);

ஊ) கிருபையினால் கிறிஸ்துவை ஆண்டவரும், இரட்சகருமென்று  விசுவாசிப்பதன் மூலம் கிடைக்கும் இரட்சிப்பு, அது அவருடைய மரணம், இரத்த உடன்படிக்கையின் மூலம் முழுமையடைகிறது.

(ரோமர் 3:24-25;5:10)

எ) கிறிஸ்துவின் சரீர உயிர்த்தெழுதல் (மத் 28:6; 1கொரி 15:3-4);

ஏ) பழைய ஏற்பாட்டிலும், புதிய ஏற்பாட்டிலும் உள்ள அற்புதங்களில் சரித்திர பூர்வமான உண்மை. 

(1கொரி 10:1);

ஐ) சாத்தான், அசுத்த ஆவிகள் ஆகியவை ஆவிக்குரியவைகள் என்ற உண்மை. 

(மத் 4:1; 8:28; 2கொரி 4:4;எபே 2:2; 6:11-18; 1பேது 5:8);

ஒ) நரகத்தைப் பற்றிய பரிசுத்த வேதாகம போதனை. 

(மத் 10:28);

ஓ) கிறிஸ்து வார்த்தையின்படி பூமிக்குத் திரும்பி வருவது.

(யோவா 14:3; அப் 1:11; 1கொரி 1:7; வெளி 19:11 );

4) கள்ளப் போதகர்களைக் குறித்து எச்சரிக்கும் இது போன்ற பகுதிகள் பின்வருமாறு (ரோம 16:17; 2பேது 2:17-22; 2யோவா 9-11;

யூதா 12-13; 2கொரி 11:13; குறிப்புகளை வாசிக்கவும்)

வசனங்களை நாம் தியானித்து புரிந்து கொள்ள வேண்டும் அதற்கு வேண்டிய கிருபைகளை தேவனாகிய கர்த்தர் தாமே தருவாராக ஆமென். 

கிறிஸ்துவின் பணியில் 

சகோதரன் 

சிலுவை ராஜா