கர்த்தருடைய வேதம்

கர்த்தருடைய வேதம் குறைவற்றது.

(சங் 19:7-11)

இந்த வசனங்கள் தேவனுடைய கற்பனைகள், வார்த்தைகள் இவற்றின் தன்மை, நன்மை, மதிப்பு இவற்றைப் பற்றி கூறுன்றன. அதில் அடங்கிய ஐந்து உண்மைகளாவன:

1) கர்த்தருடைய வேதத்தின் 

"விதி" -கர்த்தருடைய சித்தத்தை நமக்கு வெளிப்படுத்தி காட்டும் ஒரு பொதுவான சொல். 

கர்த்தருடைய வேதம் மனிதனுக்கு அவன் தேவனோடு சரியான உறவு கொள்ளும் வழியைக் காட்டுகிறது.(சங் 19:7)

2)"சாட்சிகள்"-இது தேவனுடைய மெய்யான வார்த்தைகள், அவருடைய குணாதிசயங்களுக்கும், சித்தத்துக்கும் சாட்சி பகர்கின்றன.(1 யோவா 5:9).

இதைப் படிப்பதன் மூலம் மனிதன் ஞானத்தை பெறுவான்.(சங் 19:7)

3)"போதனைகள்"-தேவ பக்தி உள்ளவர்களுக்கு மகிழ்ச்சியை அளிக்கும் நீதியான வாழ்க்கை வாழ்வதற்குரிய தேவனுடைய திட்டவட்டமான நெறிமுறைகளை இவை காட்டுகின்றன. (சங் 19:8)

4)"கட்டளைகள்"-தேவனுடைய வழிகளை தேடுகிற விசுவாசிகளுக்கு வழிகாட்டும் ஒளியாக அதிகாரமுள்ள தேவனுடைய கட்டளைகள். 

(சங் 19:8;அப் 26:18). தேவனுடைய கட்டளைக்குக் கீழ்படிவதே அவருக்கு பயப்படும் பயமாகும் இது பாவ வாழ்க்கையில் இருந்து விடுதலை தருகிறது.

(சங் 19:9).

5)"நியமனங்கள்"-உலகில் நியாயமான முறையில் நேர்மையோடு வாழ்க்கை வாழ வழிகாட்டும் சமுதாய விதிகள். (சங் 19:9).

தொடர்ந்து வேதத்தை வாசித்து நம்மை சரி செய்வோம் கர்த்தர் பெரிய காரியங்களை நம்முடைய வாழ்க்கையிலும் செய்வாராக ஆமென். 

கிறிஸ்துவின் பணியில் சகோதரன் சிலுவை ராஜா.