உங்களில் ஒரு பிசாசு
இன்றைய ஊழியர்களுக்கான ஆலோசனைகள்.
1. ஊழிய நிலையை விட இருதயமே முக்கியம்:
யூதாஸ் அற்புதங்களைச் செய்திருக்கலாம், பணப்பையைச் சுமந்திருக்கலாம். ஆனால், அவன் இருதயம் பணத்தாசையினால் நிறைந்திருந்தது. "எல்லா காவலோடும் உன் இருதயத்தைக் காத்துக்கொள்" (நீதிமொ 4:23) என்ற வசனத்தின்படி, ஊழியத்தின் வெளித்தோற்றத்தை விட, உள்ளான வாழ்க்கையில் கவனமாக இருக்க வேண்டும்.
2. பணத்தாசை என்னும் கண்ணி:
யூதாஸ் விழுந்ததே பணத்தாசையால்தான். "பணத்தாசை எல்லாத் தீமைக்கும் வேராயிருக்கிறது"
(1 தீமோத் 6:10). இன்றைய ஊழியர்களில் சிலர் காணிக்கை மற்றும் பண விஷயங்களில் நேர்மை தவறும்போது, அவர்கள் அறியாமலேயே அந்த 'பிசாசின்' சுபாவத்திற்கு இடம் கொடுக்கிறார்கள்.
உதாரணமாக:
யூதாஸ் போன்ற சில ஊழியர்கள் பணத்திற்காக தங்களுடைய வீட்டை தானே உடைத்து விடுகிறார்கள். தங்களுடைய திருச்சபையை தானே தீ🔥கொளுத்தி விடுகிறார்கள் பின்பு மற்றவர் மீது பழி போட்டு அனுதாபங்களையும் பணத்தையும் பெற்றுக் கொண்டு அதுவே தொழிலாக வைத்துக் கொள்கிறார்கள். இன்னும் சிலர் சபைக்கு வருகிற பெண்களை அவமானப்படுத்தி, அவர்களை மிரட்டி எவ்வளவு பணம் வாங்க முடியுமோ வாங்கி விடுகிறார்கள். இல்லை என்றால் வழக்கு போட்டு மீடியாவிலும் பத்திரிகைகளும் அவர்களைப் பற்றி எவ்வளவு கேவலமாக விமர்சனம் பண்ண முடியுமா அவ்வளவு கேவலமாக நடந்து கொள்கிற சாத்தானின் ஊழியர்கள் என்று அநேக இடங்களில் பரவி இருக்கிறார்கள் என்பதை ஒவ்வொரு உண்மை ஊழியர்களும் அறிந்து கொண்டு கவனமாக இருக்க வேண்டும் என்று இந்த பதிவில் கேட்டுக்கொள்கிறேன்.
3. வெளிப்படையான வாழ்க்கை (Accountability):
யூதாஸ் தனக்குள்ளே ரகசியத் திட்டங்களை வைத்திருந்தான். ஒரு ஊழியர் மற்றவர்களுக்குப் பதில் சொல்ல வேண்டிய கடப்பாடும் (Accountability), வெளிப்படைத்தன்மையும் இல்லாமல் போகும்போது, அங்கு சாத்தான் நுழைகிறான். "ஒளியிலே இருக்கிறவர்கள்" ஒருபோதும் தடுமாறுவதில்லை
(1யோவான் 1:7).
கடப்பாடு (Accountability) என்பது ஒரு ஊழியக்காரர் தன்னுடைய செயல்கள், முடிவுகள் மற்றும் நிதி கையாளுதல் ஆகியவற்றிற்கு மற்றவர்களுக்கு பதில் சொல்லக் கடமைப்பட்டிருப்பதாகும். யூதாஸ் தனிப்பட்ட ரகசிய திட்டங்களை வைத்திருந்ததே அவன் வீழ்ச்சிக்குக் காரணம்.
இன்றைய ஊழியர்களுக்குக் கடப்பாடு குறித்த வசன ஆதாரங்களுடன்.
சபைக்குப் பதில் சொல்லுதல் (Accountability to the Body):
ஊழியர்கள் தாங்கள் செய்யும் காரியங்களைச் சபையிடமோ அல்லது ஒரு ஆலோசனைக் குழுவிடமோ (Elder's Board) பகிர்ந்துகொள்ள வேண்டும்.
"ஆலோசனை இல்லாமையால் எண்ணங்கள் விபத்தாகும்; ஆலோசனைக்காரர் அநேகர் இருந்தால் அவைகள் உறுதிப்படும்."
(நீதிமொ 15:22)
நிதி நேர்மை (Financial Accountability):
பண விஷயங்களில் ஊழியர்கள் மிகவும் எச்சரிக்கையாக இருக்க வேண்டும். பவுல் காணிக்கையைக் கையாளும்போது மற்றவர்களைத் துணைக்குச் சேர்த்துக்கொண்டார்.
"கர்த்தருக்கு முன்பாக மாத்திரமல்ல, மனுஷருக்கு முன்பாகவும் யோக்கியமானவைகளைச் செய்ய நாடுகிறோம்."
(2 கொரிந 8:21)
ஒருவருக்கொருவர் கீழ்ப்படிதல்:
"நான் ஊழியக்காரன், எனக்கு யாரும் மேலதிகாரி இல்லை" என்ற எண்ணம் பிசாசின் சுபாவம்.
"தெய்வ பயத்தோடே ஒருவருக்கொருவர் கீழ்ப்படிந்திருங்கள்."
(எபேசியர் 5:21)
தேவனுக்கு பதில் சொல்லுதல்:
இறுதியாக, நாம் செய்யும் ஒவ்வொரு ஊழியத்திற்கும் கணக்கு ஒப்புவிக்க வேண்டும் என்ற பயம் இருக்க வேண்டும்.
"ஆதலால் நம்மில் ஒவ்வொருவனும் தன்னைக்குறித்துத் தேவனுக்குக் கணக்கொப்புவிப்பான்."
(ரோமர் 14:12)
ஒரு ஊழியக்காரர் தனிமரமாக (Isolated) செயல்படுவதே ஆபத்தின் தொடக்கம். எனவே, ஆலோசனைகளை ஏற்கும் மனப்பக்குவமும், தங்களைக் கண்காணிக்கும் ஒரு 'மென்டர்' (Mentor) அல்லது மூத்த ஊழியரோடு தொடர்பில் இருப்பதும் அவசியம்.
4. தற்பெருமைக்கு இடம் கொடாதிருத்தல்:
இயேசுவுக்கு மிக அருகில் இருந்தும் யூதாஸ் பாவியானான். "நான் நிற்கிறேன் என்று நினைக்கிறவன் விழாதபடிக்கு எச்சரிக்கையாயிருக்கக்கடவன்"
(1 கொரிந் 10:12). ஊழியம் வளர வளர வரும் பெருமை, ஒருவனைத் தேவனுக்கு விரோதியாக மாற்றும்.
முடிவாக:
நாமும் ஊழியத்தில் பிசாசாக மாறாமல் இருக்க வேண்டுமானால், ஒவ்வொரு நாளும் நம்மை நாமே சோதித்துப் பார்த்து
(2 கொரி 13:5), சுயநலமில்லாத, கிறிஸ்துவை மட்டுமே உயர்த்துகிற தாழ்மையுள்ள ஊழியராக வாழ வேண்டும்.
தொடர்ந்து இந்த கிறிஸ்தவ வாழ்க்கையில் கவனமாக இருங்கள். ஊழியம் என்ற பெயரில் பணத்தை மட்டுமே குறிக்கோளாக கொண்ட அனைவர் எழும்பி விட்டார்கள். இவர்கள் யாருக்கும் கீழ்ப்படிய மாட்டார்கள். எல்லாவற்றையும் எதிர்ப்பார்கள். மற்றவர்களை அவமானப்படுத்தி பிழைப்பதே இவர்களுடைய வேலை ஆகையால் நாசியில் சுவாசம் உள்ள மனிதர்களை நம்ப வேண்டாம் கர்த்தர் உங்களை ஆசீர்வதிப்பார் ஆமென்.
கிறிஸ்துவின் பணியில் சகோதரன் சிலுவை ராஜா
தொடர்புக்கு
9841711591.
Comments