அன்பின் அடையாளம் கீழ்ப்படிதலே

ஒரு விசுவாசி இயேசு கிறிஸ்துவிடம் அன்பு செலுத்துவது என்பது வெறும் உணர்ச்சி சார்ந்தது மட்டுமல்ல, அது செயல்களிலும் கீழ்ப்படிதலிலும் வெளிப்பட வேண்டிய ஒன்று. வேத ஆதாரங்களுடன் சில குறிப்புகள்: 

அவருடைய கட்டளைகளுக்குக் கீழ்ப்படிதல்: 

இயேசுவின் மேல் நாம் வைத்திருக்கும் அன்பிற்கு முதன்மையான அடையாளம் அவருடைய வார்த்தைகளுக்குக் கீழ்ப்படிவதே. 

(யோவான் 14:15)

இல் "நீங்கள் என்னிடத்தில் அன்பாயிருந்தால் என் கற்பனைகளைக் கைக்கொள்ளுங்கள்" என்று அவர் கூறியுள்ளார்.

தேவ வார்த்தையில் நிலைத்திருத்தல்:

 அவருடைய வசனங்களை வாசிப்பதும், அதன்படி நடப்பதும் அன்பின் வெளிப்பாடு. "ஒருவன் என் வசனத்தைக் கைக்கொண்டால், அவனிடத்தில் தேவ அன்பு மெய்யாகப் பூரணப்பட்டிருக்கும்" என்று 

(1யோவான் 2:5) 

கூறுகிறது.

சகோதரர்களிடத்தில் அன்பு கூருதல்: 

நம் கண்ணுக்குத் தெரிந்த சகோதரனை நேசிக்காமல், தேவன் மேல் அன்பு கூர முடியாது. "தன் சகோதரனிடத்தில் அன்புகூருகிறவன் ஒளியிலே இருக்கிறான்" என்கிறது 

(1யோவான் 2:10).

முதலாவது தேவனுடைய ராஜ்யத்தைத் தேடுதல்: 

உலக காரியங்களை விட கிறிஸ்துவிற்கும் அவருடைய நீதிக்கும் முன்னுரிமை அளிப்பதே உண்மையான அன்பு. 

(மத்தேயு 6:33) இன்படி 

ராஜ்யத்தைத் தேடுவதே பிரதானம்.

தன்னைத்தான் வெறுத்து சிலுவையைச் சுமத்தல்: 

கிறிஸ்துவைப் பின்பற்றுவது என்பது சுயத்தை மறுப்பதாகும். "ஒருவன் என்னைப் பின்பற்றி வர விரும்பினால், அவன் தன்னைத்தான் வெறுத்து, தன் சிலுவையை எடுத்துக்கொண்டு என்னைப் பின்பற்றக்கடவன்" (மத்தேயு 16:24).

முழு இருதயத்தோடும் அன்பு கூருதல்: 

பாதி மனதோடு அல்லாமல், முழு ஆத்துமாவோடும் பலத்தோடும் அவரை நேசிக்க வேண்டும் என்று 

(மாற்கு 12:30) 

வலியுறுத்துகிறது.

உலகத்தின் மேல் அன்பு வைக்காதிருத்தல்: 

உலக சிநேகம் தேவனுக்கு விரோதமான பகை. "உலகத்திலும் உலகத்திலுள்ளவைகளிலும் அன்பு கூராதிருங்கள்" என 

(1யோவான் 2:15) 

எச்சரிக்கிறது.

அவருக்காகத் துன்பங்களைச் சகித்தல்:  கிறிஸ்துவினிமித்தம் வரும் நிந்தைகளையும் துன்பங்களையும் மகிழ்ச்சியோடு ஏற்பது அவரிடத்தில் உள்ள அன்பைக் காட்டும் 

(மத்தேயு 5:11-12).

ஜெபத்திலும் ஐக்கியத்திலும் நிலைத்திருத்தல்: 

ஒருவரை நேசித்தால் அவரோடு பேச விரும்புவோம். அதுபோல இடைவிடாமல் ஜெபிப்பதன் மூலம் அவரோடு நெருங்கிய உறவை வளர்க்கலாம் (1 தெசலோ 5:17).

அவருடைய வருகைக்காகக் காத்திருத்தல்: 

அவரை நேசிப்பவர்கள் அவருடைய மறுவருகையை ஆவலோடு எதிர்பார்ப்பார்கள். "அவருடைய பிரசன்னமாகுதலை விரும்பும் யாவருக்கும் நீதியின் கிரீடம் வைக்கப்பட்டுள்ளது" (2 தீமோத் 4:8). என வேதம் அறிவுறுத்துகிறது

ஆகையால் தொடர்ந்து வேதத்தை வாசியுங்கள் கர்த்தர் உங்களை ஆசீர்வதிப்பார். கிறிஸ்துவின் பணியில் சகோதரன் சிலுவை ராஜா

WhatsApp 9841 711 591.