திருச்சபை விசுவாசிகளுக்கு பேதுரு தரும் ஆலோசனைகள் (2)

அப்போஸ்தலர் பேதுரு 

விசுவாசிகள் தங்கள் அன்றாட வாழ்க்கையிலும், குடும்பத்திலும், சபையிலும் எப்படிப்பட்ட குணாதிசயங்களைக் கொண்டிருக்க வேண்டும் என்பது குறித்து வழங்கிய 

சிறப்பான சில  ஆலோசனைகள் :

1. உங்கள் கவலைகளை அவர்மேல் வைத்துவிடுங்கள்

வாழ்க்கையின் பாரங்கள் மற்றும் மனக்கவலைகளால் விசுவாசிகள் நசுங்கிப்போகாமல் இருக்க, அதை தேவனிடம் ஒப்படைக்கும் ஆலோசனையை வழங்குகிறார்.

வசனம்:

 "அவர் உங்களை விசாரிக்கிறவரானபடியால், உங்கள் கவலைகளையெல்லாம் அவர்மேல் வைத்துவிடுங்கள்"

 (1 பேதுரு 5:7).

2. குடும்ப உறவில் கனம் கொடுத்தல்

திருமண வாழ்க்கையில் கணவன்-மனைவி ஒருவருக்கொருவர் எப்படி நடந்து கொள்ள வேண்டும் என்ற நடைமுறை ஆலோசனையைத் தருகிறார். குறிப்பாக, மனைவிகளை "பலவீனமான பாண்டம்" என்று கருதி அவர்களுக்குக் கனம் கொடுக்கக் கூறுகிறார்.

வசனம்:

 "மனைவியானவள் பலவீனமான பாண்டமாயிருக்கிறபடியினால், உங்கள் ஜெபங்களுக்குத் தடை வராதபடிக்கு, அவளுடனே விவேகத்துடன் வாழ்ந்து... அவளைக் கனம்பண்ணுங்கள்" 

(1 பேதுரு 3:7).

3. மற்றவர்களுக்குப் பதில் சொல்ல ஆயத்தமாயிருத்தல்

நமது விசுவாசத்தைக் குறித்து யாராவது கேள்வி கேட்டால், அவர்களுக்குப் சாந்தத்தோடும் வணக்கத்தோடும் பதில் சொல்ல எப்போதும் தயாராக இருக்க வேண்டும்.

வசனம்:

 "உங்களிலிருக்கிற நம்பிக்கையைக்குறித்து உங்களிடத்தில் விசாரணை செய்கிற யாவருக்கும் சாந்தத்தோடும் வணக்கத்தோடும் உத்தரவுசொல்ல எப்பொழுதும் ஆயத்தமாயிருங்கள்" (1 பேதுரு 3:15).

4. மனத்தாழ்மையை உடுத்திக்கொள்ளுங்கள்

பெருமையுள்ளவர்களுக்குத் தேவன் எதிர்த்து நிற்கிறார், எனவே ஒருவருக்கொருவர் கீழ்ப்படிந்து தாழ்மையைத் தரித்துக்கொள்ள வேண்டும் என்று அறிவுறுத்துகிறார். 

வசனம்:

 "நீங்களெல்லாரும் ஒருவருக்கொருவர் கீழ்ப்படிந்து, மனத்தாழ்மையை அணிந்துகொள்ளுங்கள்; பெருமையுள்ளவர்களுக்குத் தேவன் எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறார்"

 (1 பேதுரு 5:5). 

5. முறுமுறுப்பில்லாத உபசரிப்பு

சபையார் மற்றும் அந்நியர்களிடம் அன்பு பாராட்டுவதோடு, மனக்கசப்பு அல்லது முறுமுறுப்பு இல்லாமல் ஒருவரை ஒருவர் உபசரிக்க வேண்டும்.

வசனம்: 

"முறுமுறுப்பில்லாமல் ஒருவரையொருவர் உபசரியுங்கள்"

 (1 பேதுரு 4:9).

6. வரங்களை மற்றவர்களுக்காகப் பயன்படுத்துதல்

தேவன் ஒவ்வொருவருக்கும் ஒரு குறிப்பிட்ட வரத்தைத் தந்திருக்கிறார். அதைச் சுயநலத்திற்காகப் பயன்படுத்தாமல், மற்றவர்களுக்குச் சேவை செய்யப் பயன்படுத்த வேண்டும்.

வசனம்: 

"அவனவன் பெற்ற வரத்தின்படியே... தேவன் அருளும் பலத்திற்கேற்றதாகச் செய்யக்கடவன்"

 (1 பேதுரு 4:10-11).

7. அன்பினால் குற்றங்களை மூடுதல்

அன்பு என்பது மற்றவர்களின் குறைகளைத் தோண்டித் துருவாமல், அவற்றை மன்னித்து மறைப்பதாக இருக்க வேண்டும்.

வசனம்: 

"எல்லாவற்றிற்கும் மேலாக ஒருவரிலொருவர் ஊக்கமான அன்புள்ளவர்களாயிருங்கள்; அன்பு திரளான பாவங்களை மூடும்"

 (1 பேதுரு 4:8). என திருச்சபைகளுக்கு ஆலோசனை வழங்குகிறார். தொடர்ந்து வேத புத்தகத்தை வாசியுங்கள் கர்த்தர் உங்களை ஆசீர்வதிப்பாராக ஆமென். 

கிறிஸ்துவின் பணியில் சகோதரன் சிலுவை ராஜா.