யாருடைய ஜெபத்தை கேட்பார்.
வேதாகமத்தின்படி, கர்த்தர் அனைவருடைய ஜெபங்களையும் கேட்பதில்லை; மாறாக, குறிப்பிட்ட குணாதிசயங்களைக் கொண்டவர்களின் வேண்டுதல்களுக்கு அவர் செவிசாய்க்கிறார். கர்த்தர் யாருடைய ஜெபத்தைக் கேட்கிறார் என்பதற்கான ஏழு குறிப்புகள்.
நீதிமான்களுடைய ஜெபம்: கர்த்தருடைய கண்கள் நீதிமான்கள் மேல் நோக்கமாயிருக்கிறது. "நீதிமான்களுடைய ஜெபத்தையோ அவர் கேட்கிறார்".
வசனம்: "கர்த்தருடைய கண்கள் நீதிமான்கள்மேல் நோக்கமாயிருக்கிறது; அவருடைய செவிகள் அவர்கள் கூப்பிடுதலுக்குத் திறந்திருக்கிறது" (சங்கீதம் 34:15).
வரலாற்று நிகழ்வு: எலியா
ஒரு நீதிமானாக வாழ்ந்து ஜெபித்தபோது, மூன்றரை வருடம் மழையில்லாமலும், பின்பு அவர் மீண்டும் ஜெபித்தபோது மழையும் பெய்தது (யாக்கோபு 5:17-18).
2) தாழ்மையுள்ளவர்களின் ஜெபம்: தங்களைத் தாழ்த்தித் தம்மை நோக்கித் தேடுகிறவர்களின் ஜெபத்தை கர்த்தர் அங்கீகரிக்கிறார்
வசனம்:
"என் நாமம் தரிக்கப்பட்ட என் ஜனங்கள் தங்களைத் தாழ்த்தி, ஜெபம்பண்ணி... அப்பொழுது பரலோகத்திலிருக்கிற நான் கேட்டு..."
(2 நாளா 7:14)
வரலாற்று நிகழ்வு: ஆலயத்தில் ஒரு பரிசேயனும் ஒரு ஆயக்காரனும் ஜெபித்தபோது, தன்னைத் தாழ்த்திப் பாவி என்று அறிக்கையிட்ட ஆயக்காரனுடைய ஜெபமே கேட்கப்பட்டது (லூக்கா 18:13-14).
விசுவாசத்தோடு கேட்கிறவர்களின் ஜெபம்: சந்தேகப்படாமல் விசுவாசத்தோடு கேட்கிறவர்களுக்கு பதில் கிடைக்கும்.
வசனம்:
"நீங்கள் ஜெபம்பண்ணும்போது எவைகளைக் கேட்டுக்கொள்வீர்களோ, அவைகளைப் பெற்றுக்கொள்வோம் என்று விசுவாசியுங்கள், அப்பொழுது அவைகள் உங்களுக்கு உண்டாகும்"
(மாற்கு 11:24).
வரலாற்று நிகழ்வு: கானானிய ஸ்திரீ தன் மகளுக்காக விசுவாசத்துடன் மன்றாடியபோது, அவளுடைய விசுவாசத்தைக் கண்டு இயேசு அவளுடைய ஜெபத்தைக் கேட்டார்.
மனந்திரும்பியவர்களின் ஜெபம்: பாவத்தை அறிக்கையிட்டு விலகி, கர்த்தரைத் தேடுகிறவர்களின் ஜெபத்தை அவர் கேட்கிறார்.
வசனம்:
"தன் பாவங்களை மறைக்கிறவன் வாழ்வடையமாட்டான்; அவைகளை அறிக்கை செய்து விட்டுவிடுகிறவனோ இரக்கம் பெறுவான்" (நீதிமொ 28:13).
வரலாற்று நிகழ்வு: நினிவே பட்டணத்தார் தங்கள் பாவத்தை அறிக்கையிட்டு உபவாசித்து ஜெபித்தபோது, கர்த்தர் அவர்கள் ஜெபத்தைக் கேட்டு அவர்களை அழிக்காமல் இரக்கஞ்செய்தார்.
உண்மையுடன் கூப்பிடுகிறவர்களின் ஜெபம்: வஞ்சகமில்லாமல் உண்மையுள்ள இதயத்தோடு கூப்பிடுகிறவர்களுக்கு கர்த்தர் சமீபமாயிருக்கிறார்.
வசனம்:
"தம்மை நோக்கிக் கூப்பிடுகிற யாவருக்கும், உண்மையாய்த் தம்மை நோக்கிக் கூப்பிடுகிற யாவருக்கும், கர்த்தர் சமீபமாயிருக்கிறார்" (சங்கீதம் 145:18).
வரலாற்று நிகழ்வு: மரணத் தறுவாயிலிருந்த
எசேக்கியா ராஜா
உண்மையுள்ள இருதயத்தோடு கண்ணீர் விட்டு ஜெபித்தபோது, கர்த்தர் அவர் ஜெபத்தைக் கேட்டு 15 வருடங்கள் ஆயுளைக் கூட்டிக் கொடுத்தார் (ஏசாயா 38:5).
தேவனுடைய சித்தத்தின்படி கேட்கிறவர்களின் ஜெபம்:
நமது சொந்த இச்சைகளுக்காக அல்லாமல், கர்த்தருடைய சித்தத்திற்காகக் கேட்கும்போது அவர் பதிலளிக்கிறார்.
வசனம்:
"நாம் எதையாகிலும் அவருடைய சித்தத்தின்படி கேட்டால், அவர் நமக்குச் செவிகொடுக்கிறாரென்பதே அவரை நோக்கி நாம் கொண்டிருக்கும் தைரியம்"
(1 யோவான் 5:14).
வரலாற்று நிகழ்வு:
சாலமோன் ராஜா
தனக்காக செல்வத்தையோ புகழையோ கேட்காமல், ஜனங்களை நியாயம் தீர்க்க ஞானத்தைக் கேட்டார்; அது தேவனுக்குப் பிரியமாயிருந்ததால் கர்த்தர் அதைக் கேட்டார்.
மனவேதனையோடு கூப்பிடுகிற எளியவர்களின் ஜெபம்: ஒடுக்கப்பட்டவர்களும், சிறுமைப்பட்டவர்களும் கூப்பிடும் சத்தத்திற்கு அவர் பதில் தருகிறார்.
வசனம்:
"இந்த ஏழை கூப்பிட்டான், கர்த்தர் கேட்டு, அவனை அவன் இடுக்கண்களுக்கெல்லாம் நீங்கலாக்கி இரட்சித்தார்"
(சங்கீதம் 34:6).
வரலாற்று நிகழ்வு: குழந்தையில்லாமல் மனவேதனையோடு ஆலயத்தில் அழுத அன்னாள்
செய்த வேண்டுதலைக் கர்த்தர் கேட்டு, அவளுக்கு சாமுவேலை மகனாகக் கொடுத்தார் என்பதை பரிசுத்த வேதாகமத்தை வாசித்தால் நாம் புரிந்து கொள்ள முடியும். தொடர்ந்து வாசித்த பயனடையுங்கள் கர்த்தர் உங்களை ஆசீர்வதிப்பாராக ஆமென்.
கிறிஸ்துவின் பணியில் சகோதரன் சிலுவை ராஜா.
WhatsApp 9841 711 591.
Comments