பிதாவும் மகனும்

பிதாவாகிய தேவனும், குமாரனாகிய இயேசு கிறிஸ்துவும் சித்தம், வல்லமை மற்றும் கிரியைகளில் ஒன்றாகவே செயல்படுகின்றனர். இதனை விளக்கும் சில குறிப்புகள்.

படைப்பின் செயல்: 

பிதா சொல்ல, குமாரன் மூலமாக அனைத்தும் படைக்கப்பட்டது.

வசனம்: 

"சகலமும் அவர் (இயேசு) மூலமாய் உண்டாயிற்று..." (யோவான் 1:3).

ஒரே சித்தம்: 

இயேசு எப்போதும் பிதாவின் சித்தத்தையே செய்கிறார்.

வசனம்: "நானும் பிதாவும் ஒன்றாயிருக்கிறோம்" (யோவான் 10:30).

மரித்தோரை எழுப்புதல்: 

பிதாவைப் போலவே குமாரனும் தமக்குச் சித்தமானவர்களை உயிர்ப்பிக்கிறார்.

வசனம்: 

"பிதாவானவர் மரித்தோரை எழுப்பி உயிர்ப்பிக்கிறதுபோல, குமாரனும் தமக்குச் சித்தமானவர்களை உயிர்ப்பிக்கிறார்" (யோவான் 5:21).

பாவங்களை மன்னிக்கும் அதிகாரம்: 

பாவங்களை மன்னிப்பதில் இருவரும் ஒருமித்த அதிகாரம் கொண்டுள்ளனர்.

வசனம்:

 "பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டென்று நீங்கள் அறியவேண்டும்..." (மத்தேயு 9:6).

நித்திய ஜீவன் அளித்தல்: 

இருவரும் இணைந்து விசுவாசிகளுக்கு நித்திய வாழ்வைத் தருகிறார்கள்.

வசனம்:

 "அவர்களுக்கு நித்திய ஜீவனைக் கொடுக்கிறேன்... என் பிதா அவர்களை எனக்குக் கொடுத்தார்" (யோவான் 10:28-29).

வெளிப்படுத்துதல்:

 பிதாவை குமாரன் மூலமாக மட்டுமே அறிய முடியும்.

வசனம்: 

"என்னைக்கண்டவன் பிதாவைக் கண்டான்" (யோவான் 14:9).

நியாயத்தீர்ப்பு வழங்குதல்:

 பிதா நியாயத்தீர்ப்பு செய்யும் அதிகாரத்தை குமாரனிடம் ஒப்படைத்துள்ளார்.

வசனம்: 

"பிதாவானவர் ஒருவருக்கும் நியாயத்தீர்ப்புச் செய்யாமல், நியாயத்தீர்ப்புச் செய்யும் அதிகாரம் முழுவதையும் குமாரனுக்கு ஒப்புக்கொடுத்திருக்கிறார்" (யோவான் 5:22).

மனுஷகுல மீட்பு: 

உலகை மீட்க பிதா குமாரனை அனுப்பினார், குமாரன் அதற்கு கீழ்ப்படிந்தார்.

வசனம்:

 "தேவன், தம்முடைய ஒரேபேறான குமாரனைத் தந்தருளி, இவ்வளவாய் உலகத்தில் அன்புகூர்ந்தார்" (யோவான் 3:16).

பரிசுத்த ஆவியானவரை அனுப்புதல்:

 பிதாவும் குமாரனும் இணைந்து தேற்றரவாளனை அனுப்புகிறார்கள்.

வசனம்: 

"என் நாமத்தினாலே பிதா அனுப்பப்போகிற பரிசுத்த ஆவியாகிய தேற்றரவாளன்..." (யோவான் 14:26), "நான் பிதாவினிடத்திலிருந்து உங்களுக்கு அனுப்பப்போகிற தேற்றரவாளன்..." (யோவான் 15:26).

கணப்படுத்தப்படுதல்:

பிதாவைப் போலவே குமாரனும் கனப்படுத்தப்பட வேண்டும்.

வசனம்: 

"எல்லாரும் பிதாவைக்கனப்படுத்துகிறதுபோல குமாரனையும் கனப்படுத்தும்படிக்கு இப்படிச் செய்கிறார்" (யோவான் 5:23).

ஜெபங்களுக்குப் பதிலளித்தல்:

 இயேசுவின் நாமத்தில் கேட்கப்படும் போது பிதா கிரியை செய்கிறார்.

வசனம்:

 "நீங்கள் என் நாமத்தினாலே எதைக் கேட்பீர்களோ, பிதா குமாரனில் மகிமைப்படும்படி அதைச் செய்வேன்" (யோவான் 14:13).

பரலோக வாசம்: 

இருவரும் ஒரே சிங்காசனத்தில் வீற்றிருக்கிறார்கள்.

வசனம்: 

"தேவனுடையவும் ஆட்டுக்குட்டியானவருடையவும் சிங்காசனம் அதிலிருக்கும்" (வெளிப் 22:3). மேலும் அறிந்து கொள்ள வேதத்தை தொடர்ந்து வாசியுங்கள் கர்த்தர் உங்களை ஆசீர்வதிப்பாராக ஆமென். 

கிறிஸ்துவின் பணியில் சகோதரன் சிலுவை ராஜா 

WhatsApp 9841 711 591.