கிறிஸ்துவ(அரசியல்) முதல்வர் ஊழலற்ற ஆட்சியை தர முடியுமா ?

கிறிஸ்தவ விசுவாசிகளுக்கும் உலகளாவிய அரசியலுக்கும் இடையே உள்ள தொடர்பு எப்பொழுதுமே விவாதத்திற்குரிய ஒரு தலைப்பாகவே இருந்து வருகிறது. "கிறிஸ்தவர்கள் அரசியலுக்கு வந்துவிட்டால் சமூகம் உடனே மாறிவிடுமா, ஊழல் முற்றிலுமாக ஒழிந்துவிடுமா, அல்லது சட்ட ஒழுங்கு முழுமையாகப் பாதுகாக்கப்படுமா?" என்ற கேள்விகள் இன்று பலராலும் எழுப்பப்படுகின்றன. மனித அரசாங்கங்கள் எவ்வளவுதான் சீர்திருத்தங்களைச் செய்தாலும், மனிதனுடைய பாவ இயல்பின் காரணமாகச் சமூகத்தில் குறைகளும் ஊழல்களும் தொடர்ந்துகொண்டேதான் இருக்கின்றன.

இருப்பினும், வேதாகமத்தின் அடிப்படையில் தேவனுக்குப் பயந்த, நேர்மையான தலைவர்கள் அதிகாரத்திற்கு வரும்போது, அவர்கள் மூலம் தேசம் ஆசிர்வதிக்கப்படுவதையும், சமூகத்தில் நீதியும் நியாயமும் நிலைநாட்டப்படுவதையும் நாம் காண முடிகிறது. இக்கட்டுரையானது, கிறிஸ்தவர்கள் அரசியலில் ஈடுபடுவதால் ஊழலை ஒழிக்க முடியுமா அல்லது சட்ட ஒழுங்கை நிலைநிறுத்த முடியுமா என்பதைப் பற்றி, வேதாகமத்தின் தெளிவான வசன ஆதாரங்களோடு ஆராய்ந்து பார்ப்போம்.

1. ஊழல் என்பது மனிதனின் பாவ இயல்பு சார்ந்தது

அரசியல் பதவியோ, மதமோ ஒருவரை மாற்றாது; ஊழல் என்பது மனிதனின் இதயத்தில் உள்ள பாவத்தினால் வருகிறது. 

"எல்லாரும் பாவஞ்செய்து, தேவமகிமையற்றவர்களாய் குறைகிறார்கள்" (ரோமர் 3:23).

2. சட்ட ஒழுங்கை நிலைநிறுத்தவே அரசு உருவாக்கப்பட்டுள்ளது

அரசாங்கம் என்பது தீமை செய்கிறவர்களைத் தண்டித்து, நன்மை செய்கிறவர்களைப் பாதுகாப்பதற்காகக் கடவுளால் ஏற்படுத்தப்பட்ட ஒழுங்குமுறை. 

"அவன் உனக்கு நன்மைக்காய் தேவனுடைய ஊழியக்காரனாயிருக்கிறான். நீ தீமை செய்தால் பயந்திரு; அவன் வீணாகப் பட்டயத்தைப் பிடித்திருக்கவில்லை" (ரோமர் 13:4).

3. நேர்மையான தலைவர்கள் ஜனங்களின் மகிழ்ச்சிக்குக் காரணம்

கிறிஸ்தவரோ அல்லது நீதியுள்ளவரோ அதிகாரத்திற்கு வந்தால், அங்கு ஊழல் குறைந்தாலும் குறையலாம்; ஆனால் மக்கள் மகிழ்ச்சியோடு வாழும் அமைதியான சூழல் உருவாகும். 

"நீதிமான்கள் ஆட்சியிலிருக்கும்போது ஜனங்கள் சந்தோஷப்படுகிறார்கள்" 

(நீதி 29:2).

4. லஞ்சத்தை வெறுக்கும் பண்பு

சட்டத்தின் ஆட்சி 

(Rule of Law) பாதுகாக்கப்பட வேண்டும் என்றால், லஞ்சம் ஒழிய வேண்டும். கிறிஸ்தவ விசுவாசிகள் லஞ்சத்தை வெறுப்பவர்களாக இருக்க வேண்டும் என்று வேதாகமம் வலியுறுத்துகிறது. 

"நீ பரிசானங்களை வாங்கவேண்டாம்; பரிசானங்கள் பார்வையுள்ளவர்களைக் குருடாக்கி, நீதிமான்களின் காரியங்களைப் புரட்டுகிறது" 

(யாத்தி 23:8).

5. கடவுளுக்குப் பயந்த உத்தமர்களைத் தேடுதல்

அரசியலில் ஊழலைத் தடுத்து, சட்ட ஒழுங்கைக் காக்கக்கூடியவர்கள் கடவுளுக்குப் பயந்து, நேர்மையாக இருக்க வேண்டும். 

"ஜனங்கள் எல்லாரிலும் திறமையுள்ளவர்களும், தேவனுக்குப் பயப்படுகிறவர்களும், உண்மையுள்ளவர்களும், இலஞ்சத்தை வெறுக்கிறவர்களுமான புருஷர்களைத் தெரிந்துகொள்வாயாக" 

(யாத்திர 18:21).

6. ஏழைகளுக்காகக் குரல் கொடுப்பது

நீதியான சட்டத்தின் அடையாளம், பலவீனமானவர்களின் (ஏழைகள், அனாதைகள், விதவைகள்) உரிமைகளைப் பாதுகாப்பதுதான். 

"நியாயந்தீர்ப்பது நீதியாயிருக்கட்டும்; தரித்திரனுக்கு முகதாட்சணியம் பண்ணாமலும், பெரியவனுக்குப் பயப்படாமலும் இரு" (லேவிய 19:15).

7. முழுமையான நீதி கடவுளின் அரசாங்கத்தில் மட்டுமே சாத்தியம்

அரசியல் அமைப்புகளில் மனிதர்களால் ஊழலை முற்றிலுமாக ஒழிக்க இயலாது. இறுதி நீதியும், ஊழலற்ற ஆட்சியும் கடவுளின் நித்திய அரசாங்கத்தில் மட்டுமே நிறைவேறும். 

"நீதியோ வாசமாயிருக்கும் புதியவானங்களையும் புதிய பூமியையும் அவருடைய வாக்குத்தத்தத்தின்படி நாம் எதிர்பார்த்துக் கொண்டிருக்கிறோம்" (2 பேதுரு 3:13).

கிறிஸ்தவர்கள் அரசியலுக்கு வருவது சமூகத்தில் சட்ட ஒழுங்கைப் பாதுகாக்க பெரிதும் உதவும், ஆனால் ஊழலை வேரறுப்பது கிறிஸ்துவின் வருகையில்தான் முழுமையாகும். 

சுருங்கக்கூறின், கிறிஸ்தவர்கள் அரசியலுக்கு வருவதனால் மட்டுமே உலகத்தில் ஊழலை 100% முற்றிலுமாக ஒழித்துவிட முடியாது. ஏனெனில், ஊழல் என்பது அரசியல் சார்ந்த பிரச்சனை மட்டுமல்ல, அது மனிதனின் இருதயம் மற்றும் பாவ இயல்பு சார்ந்த பிரச்சனையாகும். மனித அரசாங்கங்கள் எவ்வளவுதான் உன்னதமாக இருந்தாலும், அவற்றில் குறைபாடுகள் இருக்கவே செய்யும்.

இருப்பினும், தேவனுக்குப் பயந்த கிறிஸ்தவர்கள் அரசியல் அதிகாரத்திற்கு வரும்போது, அவர்களால் சமூகத்தில் சட்ட ஒழுங்கைச் சீராகப் பாதுகாக்கவும், லஞ்சத்திற்கு எதிரான நேர்மையான நிர்வாகத்தைத் தரவும் முடியும். அவர்கள் தேசத்திற்கு உப்பாகவும் வெளிச்சமாகவும் செயல்பட்டு, அநீதிக்கு எதிராகக் குரல் கொடுக்கும்போது ஜனங்கள் அமைதியோடும் மகிழ்ச்சியோடும் வாழ வழிவகை பிறக்கும். பூலோகத்தில் முழுமையான நீதியும் ஊழலற்ற ஆட்சியும் கிறிஸ்துவின் நித்திய அரசாங்கத்தில் மட்டுமே சாத்தியம் என்றாலும், அதுவரை சமூகத்தில் நீதியையும் அமைதியையும் நிலைநாட்டக் கிறிஸ்தவர்கள் அரசியலில் நற்சாட்சிகளாகச் செயல்படுவது அவசியமாகிறது.

கர்த்தர் உங்களை ஆசீர்வதிப்பாராக ஆமென். 

கிறிஸ்துவின் பணியில் சகோதரன் 

சிலுவை ராஜா 

9841711591.