பரிசுத்தமாய் வாழ சிலவழிகள்.

பரிசுத்தமாய் வாழ்வதற்கு பரிசுத்த வேதாகமம் பின்வரும் வழிமுறைகளையும் வசன ஆதாரங்களையும் தந்திருக்கின்றது: 

1. தேவனைக் கண்டு பாவித்தல் 
தேவன் பரிசுத்தராக இருப்பதைப் போலவே, நாமும் நம்முடைய எல்லா செயல்களிலும் பரிசுத்தமாக இருக்க அழைக்கப்பட்டுள்ளோம். 
வசனம்: 
"நான் பரிசுத்தராயிருக்கிறபடியினால், நீங்களும் பரிசுத்தராயிருங்கள்." ( 1 பேதுரு 1:15-16 லேவிய 11:44-45.)
 
2. உலக இச்சைகளை விட்டு விலகுதல்.
கிறிஸ்துவை அறிவதற்கு முன்னால் இருந்த பழைய இச்சைகளின்படி வாழாமல், தேவனுக்குக் கீழ்ப்படியும் பிள்ளைகளாக நடக்க வேண்டும்.
வசனம்: 
"நீங்கள் முன்னே உங்கள் அறியாமையினாலே கொண்டிருந்த இச்சைகளின்படி இனி நடக்காமல், கீழ்ப்படிகிற பிள்ளைகளாயிருங்கள்."
(1 பேதுரு 1:14 )
 
3. சரீரத்தை உயிருள்ள பலியாக ஒப்புக்கொடுத்தல்
நம்முடைய சரீரங்களை தேவனுக்குப் பிரியமான பரிசுத்த பலியாக ஒப்புக்கொடுக்க வேண்டும். 
வசனம்: 
"நீங்கள் உங்கள் சரீரங்களைப் பரிசுத்தமும் தேவனுக்குப் பிரியமுமான ஜீவபலியாக ஒப்புக்கொடுக்க வேண்டுமென்று... உங்களை வேண்டிக்கொள்ளுகிறேன்."
(ரோமர் 12:1)

4. வேத வசனங்களின்படி நடத்தல்
ஒரு வாலிபன் அல்லது விசுவாசி தன் வழியைச் சுத்தமாக்க அல்லது பரிசுத்தமாக்க வசனமே வழியாக இருக்கிறது. 
வசனம்: 
"வாலிபன் தன் வழியை எதினால் சுத்தம்பண்ணுவான்? உமது வசனத்தின்படி தன்னைக் காத்துக்கொள்ளுகிறதினால்தானே." (சங்கீதம் 119:9 )
 
5. பாவத்தை அறிக்கை செய்தல்
நாம் பாவம் செய்தாலும், அதை அறிக்கை செய்து விட்டுவிடும்போது தேவன் நம்மை எல்லா அநீதியிலிருந்தும் நீக்கி சுத்திகரிக்கிறார். 
வசனம்: 
"நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியுமுள்ளவராயிருக்கிறார்."
(1 யோவான் 1:9)
 
6. பரிசுத்த ஆவியானவருக்குக் கீழ்ப்படிதல்
மாம்சத்தின் இச்சைகளைக் கொல்லவும், ஆவியின் கனிகளை வெளிப்படுத்தவும் பரிசுத்த ஆவியானவர் நமக்கு உதவுகிறார். 
வசனம்: 
"ஆவிக்கேற்றபடி நடங்கள், அப்பொழுது மாம்ச இச்சையை நிறைவேற்றமாட்டீர்கள்."
(கலாத் 5:16 ). 
நம் சொந்த பெலத்தால் பரிசுத்தமாக முடியாது, பரிசுத்த ஆவியால் நிறைந்திருப்போம், அவர் நம்மை வழிநடத்தி, பாவத்தை வெல்ல உதவி செய்வார்
(எபேசியர் 5:18).


முக்கிய குறிப்பு: 
பரிசுத்தம் இல்லாமல் ஒருவனும் கர்த்தரைத் தரிசிக்க முடியாது (எபிரெயர் 12:14). எனவே, ஜெபத்தோடும் இறை வசனத்தோடும் அனுதினமும் நம்மைப் பரிசுத்தப்படுத்திக் கொள்ள வேண்டும். 
தொடர்ந்து நம்முடைய வாழ்க்கையில் பரிசுத்தத்தை வாஞ்சிப்போம். கர்த்தர் நம்மோடு இருக்கிறார் என்பதை அந்த பரிசுத்தம் வெளிப்படுத்தும்.
கர்த்தர் உங்களை ஆசீர்வதிப்பாராக ஆமென்.
கிறிஸ்துவின் பணியில்
சகோதரன் சிலுவை ராஜா.